頭啖湯

营业中

休息中

一直以来都想尝尝椰子鸡煲，听闻天后的头啖汤有得食，今日收工就嚟边一边～我地一行二人都叫左几多野食😅包括三个肉类（食肉兽😛），两个蔬菜同一个主食～椰子鸡煲（半只）：因为我地得两个人，问左侍应两个人半只够食就净系要左半只。鸡煲好快就送左嚟，用砂煲装住，所以热得比较慢，但都好快有得食。鸡系半熟，送上嚟煮多下就食得，唔会煲到老晒，好嫩滑👍🏻美国安格斯雪花牛肉（小）：安格斯牛嘅雪花纹好均匀，唔会太多油脂，食落带小小椰子鸡汤底嘅甜味，正！牛肩胛（小）：打边炉点可以冇牛呢，所以我地又叫多个牛🤣牛肩胛较安格斯牛厚实弹牙，但两只牛都好好食😋西班牙黑豚肉片：唔知点解出面打边炉食到嘅豚肉片总系咁大片😂可能系部位嘅问题？但食落都几重肉味，就系太大片唔可以一口食晒😅娃娃菜：有切细到，唔系原块上，比较易入口👍🏻经椰子鸡汤煮过好清甜！金菇：次次打边炉都必食！吸左汤底嘅味道后带点甜味，不错～芝士竹轮：好耐冇食芝士竹轮！一见到即刻order左，好好味但可惜有啲少，唔够喉😂餐厅上菜好快，而且食材新鲜，下次可以再嚟。