金色不如帰

营业中

休息中

今日有幸目击金色不如帰在south side 开张及剪彩仪式，金色不如妇灵魂人物山本先生(左⼀)亲自坐镇金色不如帰采用开放式厨房，客人可以近距离目击一碗拉面的诞生。座位阔度，没有压迫感。室内装修柔和为主，楼底非常高，舖头内光明亮。餐前小食我地叫左凉拌黑松露甲纹墨鱼，墨鱼爽脆，煮得啱啱好，黑松露完全冇冚过墨鱼本身嘅味道，强烈推介。另一款小食我哋试咗豚肉煎饺，外皮薄，馅多汁。嚟到梗系要试米芝莲一星嘅拉面。今日系第一日开张，现场有山本先生亲自下厨嘅贝汁酱油拉面试食。米芝莲一星好评，贝汁酱油拉面，味道平衡得非常好，必食！因为试左贝汁酱油拉面，所以今次另外叫贝汁盐味拉面。味道令人眼前一亮，先饮一啖未加黑松露嘅汤，味道浓郁，饮完一阵之后，冇好咸好油嘅感觉，慢慢生出一浸淡淡嘅海鲜味。加入咗黑松露之后成个汤又升华到去另一个层次。一碗拉面两种享受！另一份我哋试咗个季节限定，天妇罗盛合冷麦面，天妇罗脆薄但不油腻，特别炸蚝，鲜甜。面爽口，汁由山本先生亲手调配，味道有水果香味真系值得去⼀试再试。