Sake Bar CHU CHU

营业中

休息中

以前系永光饮酒钟意饮到醉先叫开心，而家饮酒真系为咗可以倾偈可以饮饮食食，铜锣湾永光开咗一间专门饮sake 同埋可以食串烧嘅地方，好朋友离开香港之前要同佢好好饮番几杯，呢度除咗有大众化嘅清酒之外，都有好多唔同种类或者更加高级嘅清酒选择，我哋饮咗几款大吟酿，味道好适合我哋，佢最好唔一定要一大枝落order，可以order一杯杯，我地饮到更多唔同味道嘅清酒。饮酒食串烧简直系绝配，先来一个餐前小食，好有特色嘅猫猫沙律，食入口脆卜卜，有埋啲紫薯蓉喺底，打卡一流。另外点左几款串烧，鸡肾，鸡翼，都整得好入味，最正都系厚切牛舌，超级好味又有口感。芫荽豚肉卷，系我哋呢啲芫荽怪一定要食嘅东西，因为好大嚿，入边包住大量芫荽，非常满足。要饱肚就点都要有啲淀粉质，点咗个烧饭团，外面香脆入边烟韧，鸡白汤稻庭乌冬，非常有惊喜鸡汤好浓郁，乌冬好滑非常好味。仲有黑松露芝士pizza，唔系好大份，二人份量刚刚好，芝士味好重，用嚟送酒唔觉唔觉两个人食咗咁多嘢，饮咗好几杯酒，倾咗好几个钟头计，真系好开心，希望我好朋友出年返嚟香港嘅时候可以再同我嚟呢度再次饮饮食食。