大壹燒鵝 (MOSTown Street新港城中心大街(3期))

营业中

休息中

明白而家生意艰难，特别系餐厅；但系做生意始终要有原则规矩。讲真大壹烧鹅嘅食物做得唔错，份量亦好足够。但系今次我要讲嘅，系佢外卖使用发泡胶盒。从相片睇到，佢煮完嘅𩠌温度好高，喺个发泡胶盒度哪咗一挞！呢样嘢我一年前已经同佢讲，叫佢改用一啲好啲嘅外卖餐盒。但系佢话因为成本好贵，佢啲客唔钟意。不过咁样唔系一个理由，佢隔离嘅海记 & 村里村外都用紧一啲质素好好嘅外卖餐盒。所以话成本贵啲客人唔钟意唔系一个合理嘅理由。当然有人话你可以自己带你嘅外卖餐盒，但系如果我系放工去买嘅我点会有个盒系身上带着呢。我觉得做餐厅除咗自己要赚钱之外，你亦都系需要为客人嘅体验&感受去谂。如果你只系为咗自己嘅利益，咁系欺骗顾客！再者，呢间餐厅生意一啲都唔差，佢嘅烧鹅系做得好食，一早都会卖晒。佢亦都扩展到有三间分店，马鞍山呢间系第一间。生意做到可以扩展的确唔错，不过我亦都系因为对外卖餐盒呢个原因一年冇去过；但系前晚去发现佢原来都仍然系一直咁样嘅态度，所以我都系决定以后都唔会再帮衬。