Poking

今晚系上环做完gym谂住系附近食个轻盈晚餐，行过几条街见到呢间专食poke bowl的餐厅，即刻入去试下。近几年都好流行poke bowl，可以自选自己钟意食的配料、酱汁、饭底等，够晒度身订造又系健康之选！由于太多配搭自选关系，今次直接拣左店家人气之选组合-Creamy Baby，饭底配左糙米饭。呢个Creamy baby组合好丰富，包括三文鱼粒粒、牛油果、鸡蛋丝、青瓜、豆腐和蟹籽、我仲额外加埋新鲜车厘茄，夹埋真系超多配料！面层上面仲加左木鱼丝和炸蒜粒，增加层次感。酱汁方面呢个组合用上芥末乳酪沙律酱，原来同三文鱼好夹，果然系招牌poke bowl。
抹茶高蛋白饮饮品方面跟餐加钱可以再拣茶类/奶类等，今次我拣左抹茶高蛋白饮，好少餐厅会特别注重埋protein drink选择，见到menu有即刻叫黎试下，味道仲有我最爱抹茶，抹茶味好浓郁，饮落有小小似抹茶豆乳咁，甜度唔会好甜，十分推荐。蜜糖希腊乳酪食完仲想食甜品，就点了蜜糖希腊乳酪，外型好似雪糕，乳酪真系绵滑creamy，加小小蜜糖更加升华。下次想食自选poke bowl推荐你黎呢间试下，份量和配料款式都好多。