Heimat by Peter Find

营业中

休息中

追求贵妇生活的我，时不时都会在城中寻找值得试的fine dining! 如果有埋Wine pairing就更加好, 合适嘅酒就绝对可以将食物升华！今次嚟到中环嘅LKF tower试德国菜！下午嘅兰桂坊真系好静，可以静静地享受一个午餐，适合喜欢悠闲生活嘅我。大厨 Peter Find 有超过 30年在世界各地高级餐厅厨房工作的经验，不单在欧洲多家米芝莲星级餐厅工作，更先后在香港文华东方酒店 Pierrot 及香港丽思卡尔顿酒店担任行政总厨一职，经验十足！所以今次嘅menu都无令我失望！ 我平时唔钟意食青豆，但系佢哋个「海鳟鱼配青豆汤」好清新同清甜！ 德式刀削面Spätzle 都有惊艳到我，面条入口像蛋丝细滑，超爽口！另外德国咸猪手就食得多，咁嚟到呢度就要试吓「脆皮烤猪腩肉」，外酥内软，猪皮香脆爽口，个人很喜欢脆猪皮！ 甜品可以试德国有名嘅黑森林蛋糕！朱古力味超浓～我当然有做埋wine pairing! 最钟意系Sparkling Riesling, 少少酒嘅酸性可以减去食物嘅油腻感。