老掌櫃東北菜館 (富達廣場)

营业中

休息中

老掌柜 （元朗）今晚同朋友一齐去元朗老掌柜食吓东北菜，近元朗千色广场。店面企理干净，都好多位，类似于小型酒楼咁，有一壶大麦茶，消滞解腻。叫咗葱油肉丝拌面，我几钟意食呢个，味道啱啱好，唔咸唔淡，肉丝好软，配埋个独有酱汁嘅面，味道好夹，葱好似系炸过嘅，干葱，所以好香！麻辣海蜇头，份量都几多，海蜇头超爽口，不过都几辣，配埋青瓜，一齐入口会好啲。酸菜鱼，好少会叫错嘅菜式，少少微辣，鱼肉好鲜嫩，有好多嘅其他配菜绍菜、木耳、豆芽、薯粉。成餐饭都辣辣地，食得好滋味。