林記小食

营业中

休息中

好耐冇返红磡,以前读书经常会喺红磡行街食嘢。喺观音庙对面嘅小食档，总系人头涌涌，排晒长龙。已经好耐冇帮衬啦，今日过嚟红磡，挂住啲烧卖。今日嚟到，人龙不变，依然好多人排紧队，大部份人购买最热门嘅烧卖，牛肉烧卖，肠粉同埋鱼蛋。今日我买咗牛肉烧卖同埋鱼肉烧卖，落咗豉油同埋少少辣油。牛肉烧卖同鱼肉烧卖质地都系结实，弹牙，手打人手制作嘅肉质，果然系唔同啲！鱼肉烧卖，唔会有鱼腥味，同埋冇𠮶浸粉嘅味道，牛肉香浓，好似食紧牛肉球咁，两款烧卖嘅皮都好薄，沾上豉油同辣油，怀旧风味十足。