和宴

营业中

休息中

同事聚餐，有人提议来食日烧，睇过食评，好似唔错㖞，即管试下先未齐人，先叫个泡菜海鲜汤锅同泡菜煎饼食住等，个汤锅比较淡口，无辣味，有啲失望；个泡菜煎饼就几好味，不过略为油咗啲人齐后，叫咗个和牛套餐，二至三人份，每样一件咁，都唔错　啲和牛真系入口即溶，个层油脂简直无得弹厚切牛舌：平时食牛舌通常都系薄切，今日试下厚切啦，哗，估唔到咁好味鲍鱼仔：有啲"un"，麻麻地羊扒：比起牛，略为逊色食咗咁多肉之后，叫咗个粟米清一清啲油腻，个粟米好甜，当成口都系油嘅时候食佢，感觉好fresh大家烧完嘢食后，忽然想食个饭，于是叫咗个泡菜牛肉汤饭，可能啱啱食完啲好好食嘅和牛，呢碗饭啲牛就有啲失色喇！食完饭后，叫咗杯冻柚子蜜同菠萝雪葩，个菠萝雪葩卖相好靓，味道亦唔错，好清甜，作为结尾，好正！