影片
更多
2023-04-03
31 浏览
今日去咗铜锣湾食lunch，呢间餐厅嘅omakase出名好食，今日见佢lunch time新出咗新menu，有丼饭、刺身、寿司同定食套餐，咁紧系要即刻去试试啦！我地拣咗A4宫崎和牛塩烧き，定食包括有沙律、茶碗蒸、汤、饭同甜品。首先先捧上沙律同茶碗蒸，沙律有青瓜、沙律菜同车里茄，沙律酱特别加上了碎蛋，食落多了一份蛋香。茶碗蒸上面铺满松叶蟹肉芡汁，见到一丝丝嘅松叶蟹肉，真系好吸引，仲加上有三文鱼籽提升鲜味，蒸蛋口感嫩滑，鸡蛋香浓。跟住就到主食A4宫崎和牛，主食造型同摆盘都相当吸引，和牛烧到五成熟，还见到粉嫩嘅颜色，脂肪比例均匀，入口即化，口感紧致滑顺，配有蒜片、岩盐同辣萝卜蓉，可随自己口味添加。我地仲加咗$20转稻庭乌冬，乌冬入口顺滑，食完主食就紧系要饮返碗面豉汤，呢到嘅面豉汤用一个好精致嘅杯装住，别具心思。最后就到甜品，甜品系每日新鲜即制拿破仑，口感松化香脆，牛油味香浓，上面有士多啤梨、大福皮同红豆蓉，而中间就夹住椰子雪糕，店员提议分开两层食，可以有不同嘅滋味，上层大福皮口感软糯，红豆配大福皮就系经典配搭，加上士多啤梨中和甜度，十分好食。而下层椰子雪糕，味道香浓，口感绵滑。食完甜品紧系有
我地拣咗A4宫崎和牛塩烧き，定食包括有沙律、茶碗蒸、汤、饭同甜品。首先先捧上沙律同茶碗蒸，沙律有青瓜、沙律菜同车里茄，沙律酱特别加上了碎蛋，食落多了一份蛋香。茶碗蒸上面铺满松叶蟹肉芡汁，见到一丝丝嘅松叶蟹肉，真系好吸引，仲加上有三文鱼籽提升鲜味，蒸蛋口感嫩滑，鸡蛋香浓。
跟住就到主食A4宫崎和牛，主食造型同摆盘都相当吸引，和牛烧到五成熟，还见到粉嫩嘅颜色，脂肪比例均匀，入口即化，口感紧致滑顺，配有蒜片、岩盐同辣萝卜蓉，可随自己口味添加。我地仲加咗$20转稻庭乌冬，乌冬入口顺滑，食完主食就紧系要饮返碗面豉汤，呢到嘅面豉汤用一个好精致嘅杯装住，别具心思。
最后就到甜品，甜品系每日新鲜即制拿破仑，口感松化香脆，牛油味香浓，上面有士多啤梨、大福皮同红豆蓉，而中间就夹住椰子雪糕，店员提议分开两层食，可以有不同嘅滋味，上层大福皮口感软糯，红豆配大福皮就系经典配搭，加上士多啤梨中和甜度，十分好食。而下层椰子雪糕，味道香浓，口感绵滑。
食完甜品紧系有杯饮品先够圆满，定食仲包一杯饮品，可以拣绿茶同咖啡，我地就拣咗绿茶，可以解一解腻。
张贴
