影片
更多
2024-10-10
1389 浏览
一间餐厅无论有几好食，但只要服务、态度有问题，就点都唔会再有第二次.......夜晚附近放工，一心谂住去试呢间 "好食" 既米线店，当时门口唔太多人等位，行入舖头，先要经过一条小斜路。店员o系斜路既尽头大驾你光临，问完我几多位，就叫我出去攞飞，要等等。我出返去门口，揿左飞就o系门口既右边等，面向马路。起初都企o系揿飞部机附近，但随住越黎越多人攞飞，我就行开左去另一边等，惊阻到人，但都系舖头门口。等左大约10分钟，见到有D比我迟黎既人竟然入左去，我就觉得奇怪，行去部机睇，原来已经过左3个号码。我入去同职员讲，我话完全听唔到有叫号码，店员第一句就话: 你唔应该行开, 要企o系门口等，下一张补返俾你。我由头到尾都冇离开过舖头门口，只系太多人攞飞，我先企埋一边等。我出返去门口望实部机，发现部机系唔会读出张飞号码，只有一声 "叮"就完。舖头对住弥敦道，人声、车声，其实大家都知有几嘈。加上，店员由头到尾都冇出过门口叫号码，单靠一下 "叮" ，真系会听到? 仲要怪我行开左，所以miss左..........我叫左碗醉鸡米线，加一客醉鸡肾。米线同食评所讲一样，个汤好味，鸡既部位都会有鸡肶位，唔会全部都
夜晚附近放工，一心谂住去试呢间 "好食" 既米线店，当时门口唔太多人等位，行入舖头，先要经过一条小斜路。店员o系斜路既尽头大驾你光临，问完我几多位，就叫我出去攞飞，要等等。我出返去门口，揿左飞就o系门口既右边等，面向马路。起初都企o系揿飞部机附近，但随住越黎越多人攞飞，我就行开左去另一边等，惊阻到人，但都系舖头门口。等左大约10分钟，见到有D比我迟黎既人竟然入左去，我就觉得奇怪，行去部机睇，原来已经过左3个号码。我入去同职员讲，我话完全听唔到有叫号码，店员第一句就话: 你唔应该行开, 要企o系门口等，下一张补返俾你。
我由头到尾都冇离开过舖头门口，只系太多人攞飞，我先企埋一边等。我出返去门口望实部机，发现部机系唔会读出张飞号码，只有一声 "叮"就完。舖头对住弥敦道，人声、车声，其实大家都知有几嘈。加上，店员由头到尾都冇出过门口叫号码，单靠一下 "叮" ，真系会听到?
仲要怪我行开左，所以miss左..........
我叫左碗醉鸡米线，加一客醉鸡肾。米线同食评所讲一样，个汤好味，鸡既部位都会有鸡肶位，唔会全部都系鸡胸。但系醉鸡肾就劲甜，唔知落左几多糖，仲要$2X 得4小旧。
都系果句，无论几好食，都唔会再有第二次。
张贴