漁火海鮮刺身火鍋

营业中

休息中

预约左八点准时上到去，店面不太大但都唔会感觉迫喼，我地四人坐左唯一一张圆枱，但系坐唔哂个圆，反而唔系几好，因为我地坐偏一边先倾到计，但食物黎到就要成日起身去拎同夹，希望下次坐到卡位😁😁第一次黎所以唔知亦都无特别要求。锅底嗌左一红一白，麻辣同豆乳，两边都好香😍😍😍呢款麻辣汤底应该系台式果种，好香既香料味，花椒丫、丁香叶等。而豆乳锅都好香奶味，未打先饮碗为敬😛配料我地四个女仔唔太大食就嗌左一份牛颈脊、鸡子、桂花蚌、花甲好大只🤤、沙爆猪皮、鲜斑片、墨鱼滑、花胶筒、冻豆腐、西洋菜、皇帝菜，而且豆乳锅底本身跟左滑豆腐、粟米，都唔少所以好够食。海鲜类都好鲜，菜够嫩，特别要赞个沙爆猪皮真系好够沙唔系啫喱状果种😍猪皮一定要落豆乳锅，索哂个汤咬落又沙！好正！👍🏻👍🏻其他食物都水准中👍🏻👍🏻唯一失望少少系个花胶筒，渌完之后缩左水，但味道都有唔系无味。四人食左$1805，服务都好好，会再帮衬。