影片
更多
2024-10-18
566 浏览
上次同老公带埋小朋友嚟咗呢一间酒吧食嘢，我食到津津有味，老公凑住小朋友冇乜点食，今次放低小朋友两个拍拖，老公指明话要再去呢一间度食上次嘅嘢补偿返（任性）！Fig and Parma Ham Salad今次继续都系无无花果，换咗哈密瓜，今次嘅哈密瓜好甜好多汁，配上Parma Ham咸咸地，沙律都好Fresh，如果有多啲汁就会更好食。Tuna Avocado Foam Tartare吞拿鱼他他无失水准，新鲜+调味一流，老公超级欣赏佢个牛油果泡沫，都未食晒吞拿鱼，佢就已经食晒啲泡沫酱。Japanese Style Linguine with Shrimp两个主菜嚟讲，老公比较欣赏呢个大虾意粉，佢觉得啲虾都算大只，意粉亦都好爽口，酱汁唔会太过浓味同唔会太咸。Grilled Hanger Steak牛扒仍然系好腍、重牛味、三四成熟（？）但无血水出、无雪藏味，主菜冇得顶，配菜份量就唔算好多，老公觉得加啲菇加啲芦笋会更出色。今次服务员态度依然都系超级好，户内户外位置任选XD，虽然今次都系拣咗户内位，但系我哋都出咗去户外影咗几张相，临近万圣节，仲有一啲万圣节嘅装饰，成个气氛变得比上次唔同。约埋三五知己
Fig and Parma Ham Salad
今次继续都系无无花果，换咗哈密瓜，今次嘅哈密瓜好甜好多汁，配上Parma Ham咸咸地，沙律都好Fresh，如果有多啲汁就会更好食。
Tuna Avocado Foam Tartare
吞拿鱼他他无失水准，新鲜+调味一流，老公超级欣赏佢个牛油果泡沫，都未食晒吞拿鱼，佢就已经食晒啲泡沫酱。
Japanese Style Linguine with Shrimp
两个主菜嚟讲，老公比较欣赏呢个大虾意粉，佢觉得啲虾都算大只，意粉亦都好爽口，酱汁唔会太过浓味同唔会太咸。
Grilled Hanger Steak
牛扒仍然系好腍、重牛味、三四成熟（？）但无血水出、无雪藏味，主菜冇得顶，配菜份量就唔算好多，老公觉得加啲菇加啲芦笋会更出色。
今次服务员态度依然都系超级好，户内户外位置任选XD，虽然今次都系拣咗户内位，但系我哋都出咗去户外影咗几张相，临近万圣节，仲有一啲万圣节嘅装饰，成个气氛变得比上次唔同。约埋三五知己上嚟倾偈，都几chill。
张贴
