興記菜館

营业中

休息中

我谂兴记真系唔使我多介绍，系庙街煲仔饭两大巨头之一，不过唔知大家去到庙街会拣佢定系拣四季呢？通常四季都比较多人排队，等既时间较长，主要系游客，而食物质素比起好几年前真系逊色左好多。相反我比较喜欢既系兴记，咁多年来食物质素都比较平均，价钱亦较合理。- 煲仔饭（章鱼鸡粒、腊肠排骨）煲仔饭嘅质素其实好难keep，好似系饭既湿润程度同饭焦既㶶度都好难控制。今次既出品我觉得饭都唔错，不过饭焦就多左少少同𩠌既腌料咸咗少少，整体都算过得去。- 蚝烙 （细）呢个蚝饼真心唔算油，亦唔会太咸，蚝就唔多㗎啦，不过都胜在热辣辣。- 虾酱通菜虾酱其实煮咩菜都好食，夹通菜更加系，好惹味，空口食都唔会太咸。整体来讲，对于煲仔饭店黎讲，呢度嘅收费绝对相宜，性价比都ok，不过就要忍受一下平民嘅进食环境同埋一般既服务态度啦。