蛇王協

营业中

休息中

呢间位于深水埗鸭寮街170号地下，店舖叫”蛇王协”，呢间店一啲都唔难揾，深水埗地铁站A2出口，向左手边行前几个舖位就会见到，一去到就知道呢间店舖有历史，因为装修有七、八十年代感觉，好食的店舖往往都要排队，今次去到都要排，不过排队时间是可以接受的，一坐抵当然必定要食蛇羹，有分大、小，大碗HKD80，细碗50，当然要配埋糯米饭及腊肠啦，糯米饭HKD20一碗，加HKD12有一条腊肠，腊肠可以选择润肠或普通腊肠，一碗细蛇羹+一碗腊肠糯米饭我已经好饱，好满足，好好味。另外一提可以买佢地自家制蛇胆陈皮，止咳化痰劲有效，一包细细包，已经要HKD55，但绝对值得，老板教我用半包焗水饮效果好好的。