影片
更多
2022-01-19
1366 浏览
圣诞时去左Grand Hyatt Staycation,顺理成章去埋Steakhouse食饭，之前试过上网book但系全部时段都full booking，今有得试，真系非常开心！餐饭系Staycation package包埋，要去楼上坐，楼上环境一般，楼底好矮顶级海鲜拼盘，包括：苏格兰活石生蚝 2只，小龙虾多士虎虾鸡尾酒，自家制烟三文鱼 ，冻蓝青口本身加咗三只苏格兰活石生蚝 （$40@）但因为沟通问题，结果系每人加咗三只海鲜拼盘因为咁而好丰富，生蚝非常好食，充满有海水味，蚝身食落脆卜卜，其余海鲜都好新鲜，烟三文鱼份量太多，因为我唔系咁钟意食三文鱼，觉得好腻🎈🦞汤 - 龙虾汤 千邑个汤摆盆非常肉酸，味道虽然唔错，但卖相好核突🥲 食完一个冻嘅海鲜拼盘，等咗好耐先至有碗汤暖暖胃但之后又要再等好耐先至到主菜🐃主菜 - 5安士牛柳配龙虾尾 红酒烧汁🥗伴菜炒小椰菜 呢款系好食，牛柳熟度刚刚好，系我心目中钟意嘅，同埋食到最爱龙虾但小椰菜本身带苦， Grill完阵苦味更浓烈食咗两啖就放弃🌰甜品-法式栗子蛋糕 云尼拿软雪糕去到呢一度已经等咗好耐好耐🧊🧊🧊最尾佢仲上个甜品包括一个雪糕，除咗觉得好冻之外我冇
顺理成章去埋Steakhouse食饭，
之前试过上网book但系全部时段都full booking，
今有得试，真系非常开心！
餐饭系Staycation package包埋，
要去楼上坐，楼上环境一般，楼底好矮
顶级海鲜拼盘，包括：
苏格兰活石生蚝 2只，小龙虾多士
虎虾鸡尾酒，自家制烟三文鱼 ，冻蓝青口
本身加咗三只苏格兰活石生蚝 （$40@）
但因为沟通问题，结果系每人加咗三只
海鲜拼盘因为咁而好丰富，生蚝非常好食，
充满有海水味，蚝身食落脆卜卜，
其余海鲜都好新鲜，烟三文鱼份量太多，
因为我唔系咁钟意食三文鱼，觉得好腻🎈
🦞汤 - 龙虾汤 千邑
个汤摆盆非常肉酸，味道虽然唔错，
但卖相好核突🥲
食完一个冻嘅海鲜拼盘，
等咗好耐先至有碗汤暖暖胃
但之后又要再等好耐先至到主菜
🐃主菜 - 5安士牛柳配龙虾尾 红酒烧汁
🥗伴菜炒小椰菜
呢款系好食，牛柳熟度刚刚好，
系我心目中钟意嘅，同埋食到最爱龙虾
但小椰菜本身带苦， Grill完阵苦味更浓烈
食咗两啖就放弃
🌰甜品-法式栗子蛋糕 云尼拿软雪糕
去到呢一度已经等咗好耐好耐🧊🧊🧊
最尾佢仲上个甜品包括一个雪糕，
除咗觉得好冻之外我冇咩好讲
出菜速度异常地慢，餐厅冷气非常冻，
热食同冻食嘅比例唔平均，
等嘅时间比食嘅时间多，越坐越冻，
觉得咩都唔好味，冻到极地雪犬咁🧣🧥
最失败嘅系佢用嘅Air Pressure Opener
唔系个Opener 失败，失败在无教识Staff用，
想饮杯酒，搞咗45分钟，
都冇人识得用呢个Opener ⋯
一啲都唔享受呢一餐，总之冇下次
张贴
