亞南雞煲

营业中

休息中

今晚真系好冻，系太子上完堂已经八点半，真系有d饥寒交迫既感觉。同学仔即刻话不如去打边炉咯，梗系好啦。行左两间都有人排队，望到隔离既亚南鸡煲唔使排队，就喇喇声行入去。一坐低即刻点做个花胶鲜鸡煲， 好快就上左菜， 但要再煮一阵加热， 搞一搞先食得， 过左5分钟全部加人晒，就闻到微微的辣味，香喷喷， 急不及待开食， 咁冻既天气食热辣辣既鸡煲，一个字－－正， 肉质唔鞋， 辣味好出， 而花胶一d都不欺场，好大块， 胶质都几足， 好chi牙。食完个鸡煲已经半饱， 之后加汤开始打边炉，所以只叫左一份手切肥牛，冻豆腐，乌冬，同埋送左一份皇帝菜（唔记得影像）。手切肥牛肉质唔韧，好香牛味， 冻豆腐要煮耐d, 吸晒d汤底，好好味。仲有皇帝菜都好新鲜，打边炉必叫。而乌冬面质就普通。 冻冰冰既夜晚打住边炉倾计，好开心。