影片
更多
2024-05-20
66 浏览
姊乡下系福建，出尖沙咀晏就专登揾左间食闽菜（即福建菜）既餐厅，尼间餐厅系香港整褔建菜都整到出名，有几间分店，今次同娘亲&屋企人黎，等娘亲品评下。到餐厅前，娘亲已经讲话尼个时间系乡下最靓系食蛏子，点知去到餐厅真系因应季节做紧蛏子菜式。福建蛏子（哆头蛏）唔系我地香港食开好长既蛏子，系短肥既，姊细个既时候娘亲多啲买黎煮，通常都系姜葱炒。今次娘亲发板要嗌蒜蓉蒸海蛏 & 椒盐哆头蛏 。黎到个卖相已经好吸引，只只蛏子肥嘟嘟大大只，好鲜甜，完全无沙。椒盐系原只蛏子，而蒜蒸将蛏子分开2边，唔同口感，但都不失惹味鲜味，娘亲超赞。娘亲话扁肉汤&兴化炒米粉都系福建名食，我今次系第一次食扁肉汤，好似迷你云吞配紫菜汤，入面系包猪肉，连娘亲都赞皮薄好食，仲一路食一话紫菜可以降血压。个汤真系好暖胃，个汤好香紫菜同麻油香味，姊好钟意！个米粉只系嗌例牌，但都已经超大碟，好足料，入面都有肥肥既蛏子，系香港好少食到咁幼细既米线，如果人多推介一试。另一样都系娘亲发板既系芋香鸭，娘亲好钟意食芋头，通常见到有芋头既食物都会嗌，唔知系咪福建人钟意食芋食呢🤔尼碟芋香鸭系心机菜，用芋泥包住鸭肉丝，好香口。唔好睇佢得8件仔，每件都好重料
到餐厅前，娘亲已经讲话尼个时间系乡下最靓系食蛏子，点知去到餐厅真系因应季节做紧蛏子菜式。福建蛏子（哆头蛏）唔系我地香港食开好长既蛏子，系短肥既，姊细个既时候娘亲多啲买黎煮，通常都系姜葱炒。今次娘亲发板要嗌蒜蓉蒸海蛏 & 椒盐哆头蛏 。
黎到个卖相已经好吸引，只只蛏子肥嘟嘟大大只，好鲜甜，完全无沙。椒盐系原只蛏子，而蒜蒸将蛏子分开2边，唔同口感，但都不失惹味鲜味，娘亲超赞。
娘亲话扁肉汤&兴化炒米粉都系福建名食，我今次系第一次食扁肉汤，好似迷你云吞配紫菜汤，入面系包猪肉，连娘亲都赞皮薄好食，仲一路食一话紫菜可以降血压。个汤真系好暖胃，个汤好香紫菜同麻油香味，姊好钟意！个米粉只系嗌例牌，但都已经超大碟，好足料，入面都有肥肥既蛏子，系香港好少食到咁幼细既米线，如果人多推介一试。
另一样都系娘亲发板既系芋香鸭，娘亲好钟意食芋头，通常见到有芋头既食物都会嗌，唔知系咪福建人钟意食芋食呢🤔尼碟芋香鸭系心机菜，用芋泥包住鸭肉丝，好香口。唔好睇佢得8件仔，每件都好重料大大件，钟意食芋头唔好错过。
其实已经食到好饱，但一场黎到，又见到甜品好吸引又唔常见，唔系周围食到果啲款，所以都嗌左2款甜品试：桂花陈皮炖雪梨 及 薄荷琵琶冻。个炖雪梨全个雪梨上，为免变酸已经系底部刮走个芯，唔会太甜，桂花同陈皮味好足，娘亲大赞好清润，值得推介。薄荷琵琶冻好足料既琵琶果味道，面头仲有一粒枇杷果肉，喺其他地方真系好少食到呢个甜品。
整体嚟讲娘亲好满意今次嘅餐厅，之后仲不停推介亲戚要去食，真系估唔到，见佢开心我都开心🫶🏻，之后会再带佢走食。
📍 莆田 (港威商场) (尖沙咀)
尖沙咀广东道3-27号海港城港威商场地下G103号
张贴
