影片
更多
2017-01-18
256 浏览
呢间餐厅同一般太子酒吧街嘅餐厅酒吧装修风格大有不同，感觉 elegant 得多，难得场内仲播住中慢板既英文歌，格调高尚，完全令我扭转对太子酒吧街一贯嘅感觉。一坐低嘢食都未嗌就梗系叹返支啤酒先啦，拣咗至爱嘅 edelweiss，贪佢有𠮶只独特嘅雪绒花香味，餐厅对啤酒质素嘅保持亦都极之严谨，喺我嗌第二杯嘅时候，侍应竟然话斟酒𠮶位同事忙紧，要我地等一阵，又系嘅，一口气打开个活塞，将个杯倾斜45度咁斟，最重要系三比一嘅 head foam，真系大有学问㗎，系我去过少数对于制作咁严谨嘅一间酒吧。吞拿鱼牛油果酱脆筒，脆筒嘅温度掌握得啱啱好，唔会有啲室温嘅情况发生，牛油果食得出应该加咗少少嘢令到个牛油果酱更加杰身，牛油果嘅份量亦都好多，一直延伸到去脆筒嘅底部，吞拿鱼经过少量调味，如果吞拿鱼能够再新鲜啲相信会更加好。鸭脾珍宝珠，卖相绝对无得顶，相信唔少妹猪都会冲住个卖相而黎，珍宝珠外层炸得劲脆，内层系鸭髀肉同埋薯蓉，鸭味充斥住每一下嘅咀嚼，另外珍宝珠喺食嘅时候都仲系辣口㗎，正。慢煮澳洲牛肋骨伴花生忌廉，见到佢个牛肋骨竟然系用花生忌廉酱咁特别，觉得好好奇，所以即刻嗌咗一个嚟试吓，牛肋骨经过慢煮后，肉质相
呢间餐厅同一般太子酒吧街嘅餐厅酒吧装修风格大有不同，感觉 elegant 得多，难得场内仲播住中慢板既英文歌，格调高尚，完全令我扭转对太子酒吧街一贯嘅感觉。
一坐低嘢食都未嗌就梗系叹返支啤酒先啦，拣咗至爱嘅 edelweiss，贪佢有𠮶只独特嘅雪绒花香味，餐厅对啤酒质素嘅保持亦都极之严谨，喺我嗌第二杯嘅时候，侍应竟然话斟酒𠮶位同事忙紧，要我地等一阵，又系嘅，一口气打开个活塞，将个杯倾斜45度咁斟，最重要系三比一嘅 head foam，真系大有学问㗎，系我去过少数对于制作咁严谨嘅一间酒吧。
吞拿鱼牛油果酱脆筒，脆筒嘅温度掌握得啱啱好，唔会有啲室温嘅情况发生，牛油果食得出应该加咗少少嘢令到个牛油果酱更加杰身，牛油果嘅份量亦都好多，一直延伸到去脆筒嘅底部，吞拿鱼经过少量调味，如果吞拿鱼能够再新鲜啲相信会更加好。
鸭脾珍宝珠，卖相绝对无得顶，相信唔少妹猪都会冲住个卖相而黎，珍宝珠外层炸得劲脆，内层系鸭髀肉同埋薯蓉，鸭味充斥住每一下嘅咀嚼，另外珍宝珠喺食嘅时候都仲系辣口㗎，正。
慢煮澳洲牛肋骨伴花生忌廉，见到佢个牛肋骨竟然系用花生忌廉酱咁特别，觉得好好奇，所以即刻嗌咗一个嚟试吓，牛肋骨经过慢煮后，肉质相当软腍，黐骨嘅部位牛味当然唔会嘢少，再夹埋个花生忌廉酱，咸咸地得嚟又有好香嘅花生味，系一味好特别嘅牛肋骨。
张贴
