影片
更多
2023-04-26
25 浏览
平时同呀妈食饭都系食中菜多，但耐唔耐我都会带佢去食下日本野既。今次就试左系湾仔既一间日式串烧店《炭火Dining 炎》由日籍主厨山口裕太师傅掌旗。佢曾经系香港日本餐厅「田舍家」工作左8年，所以功力都有返咁上下架。餐厅系全bar枱位，设计简约朴实，采用木系装修，空间感十足。所有串烧都系用备长炭烧既。备长炭火力平均易控制，烧出黎有炭香味。但难免有油烟问题，因此个炭炉特别远离食客，就算开放式厨房都唔会俾烟攻到啦。Overall当晚啲野食都好唔错，啲员工又好搞笑，系好轻松既气氛☺️Omakase Menu $888✨前菜盛合 : 有好多款前菜，空豆包住黄色珊瑚、渍蚝配面豉醋、渍鲷鱼白子、明太子薯仔沙律、明太子沙律、蕃茄汤、银鳕鱼腩、茄子同莲藕。我最爱系渍鲷鱼白子，食落清爽，口感绵密。✨面豉烧北寄贝 : 肉质肥美厚实，个汤甘甜鲜美。✨鸡腿肉 : 使用博多华味鸡，肉质特别嫩滑多汁。配手指柠檬，酸酸地可以去下腻。✨免治肉棒 : 呢个系用左鸭肉，鸭肉味几出，肉质结实，仲食到爽口既马蹄，沾蛋汁食一流。✨鸡翼 : 使用阿波尾鸡，肉味重。鸡皮烧到好脆，边边位仲㶶㶶地好香口。✨鸡心 : 口感Q弹，我呀妈好钟意。
由日籍主厨山口裕太师傅掌旗。佢曾经系香港日本餐厅「田舍家」工作左8年，所以功力都有返咁上下架。
餐厅系全bar枱位，设计简约朴实，采用木系装修，空间感十足。
所有串烧都系用备长炭烧既。备长炭火力平均易控制，烧出黎有炭香味。
但难免有油烟问题，因此个炭炉特别远离食客，就算开放式厨房都唔会俾烟攻到啦。
Overall当晚啲野食都好唔错，啲员工又好搞笑，系好轻松既气氛☺️
Omakase Menu $888
✨前菜盛合 :
有好多款前菜，空豆包住黄色珊瑚、渍蚝配面豉醋、渍鲷鱼白子、明太子薯仔沙律、明太子沙律、蕃茄汤、银鳕鱼腩、茄子同莲藕。
我最爱系渍鲷鱼白子，食落清爽，口感绵密。
✨面豉烧北寄贝 : 肉质肥美厚实，个汤甘甜鲜美。
✨鸡腿肉 : 使用博多华味鸡，肉质特别嫩滑多汁。配手指柠檬，酸酸地可以去下腻。
✨免治肉棒 : 呢个系用左鸭肉，鸭肉味几出，肉质结实，仲食到爽口既马蹄，沾蛋汁食一流。
✨鸡翼 : 使用阿波尾鸡，肉味重。鸡皮烧到好脆，边边位仲㶶㶶地好香口。
✨鸡心 : 口感Q弹，我呀妈好钟意。
炸物 :
✨蒜烧茄子、海胆饼同炸池鱼。配上由日本酱油风干成粉，再以干葱、蒜、芝麻等炒制而成既脆脆豉油。入口脆卜卜，好惹味。
✨蕃茄仔，食完炸物可以食下蕃茄仔清新下味蕾。
✨烧豆腐 : 看似平凡但好好味既豆腐，外脆内超嫩滑。其实面头有啲葱，不过我一拎上手影相即刻整趺晒😂
✨白粟米 : 白栗米其实生食都好清甜，所以师傅都系略略烧左下等佢有个炭香味，好食到要encore！
✨黑毛和牛舌 : 牛味浓郁，肉质爽口。
食事 :
✨鸭胸肉冷乌冬
个乌冬落左麻酱同鸭胸油，食落好香，乌冬好弹牙。
甜品 :
✨一次过试晒3款自家制甜品 : 西瓜布甸、粟米布甸、樱花叶包住红豆团子
以下系单嗌既野食。
✨鸡肝酱配威化 $78
自家制鸡肝酱，即系平民版既鹅肝酱😂浓郁鸡肝味，食落口感滑顺。
✨炸池鱼BB $68
2个字 : 酥脆。
✨鲷鱼白子 $108
平时系出边食开既都系鳕鱼白子，由于鲷鱼当造，所以有鲷鱼白子。面头有略略炙烧过，配酸汁食落清爽，口感绵密。
✨紫苏豚肉卷 $48
豚肉包住紫苏叶，面头仲有紫苏酱，香气十足。
✨西班牙猪肋条 $58
口感软嫩有嚼劲，多汁美味。
✨鸡尾 $48
脂肪丰富，好软腍好juicy。
✨鸡颈大葱串 $48
由于鸡成日转动条颈既关系，所以呢部份既肉更具弹性，有嚼劲。
✨白鳝 $78
白鳝肉好爽，系个皮略嫌唔够脆。
✨蕃薯 $35
使用日本金时蕃薯，甜度适中，香甜软滑。
✨是日烧饭团 $48
用左面豉酱黎烧，外层焦香脆脆。
✨紫苏雪葩 $38
好重紫苏味，清新到不得了！
✨豆乳芝士蛋糕 $58
成嚿豆腐咁样，有浓浓豆香，口感绵密细滑。
🥃梅酒 $78
我同呀妈既最爱。基本上要嗌酒饮都系嗌梅酒，呢到既梅酒够晒浓味。
张贴
