娘惹嫁到

营业中

休息中

朋友知我钟意食喇沙，专程带我呢个喇沙fans去「娘惹嫁到」试吓。餐厅喺间商业大厦嘅一楼，大厦外面完全冇广告，只系水牌有贴上餐厅名，真系一间隐世小店。餐厅唔系好大，只有14个位。装修简单，墙身有两件传统娘惹衣服同一些槟城嘅相片。我满心期待地嚟试佢哋个喇沙，果然冇令我失望。「槟城亚参喇沙」卖相吸引，配料有3粒爽口弹牙嘅鱼蛋，2只新鲜大虾，半只鸡蛋，豆卜同芽菜，而面就系掺掺（油面及米粉各一半）喇沙嘅灵魂在于汤底。特别熬制嘅汤底非常鲜甜，椰浆香味同咖喱味配合得宜，浓稠creamy。老板娘话汤底无用味精，可以安心饮。我同朋友都忍唔住，全碗饮晒！我本身对味精都几敏感，果然，我成个晏昼都唔觉得口渴，个汤真系无味精架！餐厅只做午市，12nn-3pm，不设订位；晚上只做外卖及预订嘅私房菜。星期日休息。