影片
更多
2022-09-03
45 浏览
《Chueca - 中环》自从番左黎香港之后，真系好似好耐都无食过西班牙菜☺️今次都系朋友介绍呢间位于中环既西班牙餐馆比我，我先知香港都有好食又靓view既tapas 餐厅😂是次特意前往去聚会顺便饮杯野😌结果lunch time就开始饮酒😂由于好多菜式都唔知个presentation系点，为免估估下，我同朋友决定食佢个lunch嘅Tasting Menu😎$380/位 有五款Tapas，一份主菜，仲可以加$30 要埋甜品🍮黎得西班牙餐厅，当然系要饮Sangria 🤓我就要左一杯Sangria，朋友都叫左杯叫crushed cucumber 既cocktail💁🏻♀️Chef's Rusa基本上每枱我都见到人叫👍🏻佢用左薯仔、呑拿鱼蓉、沙律酱、鱼子等食材做出黎既沙律，用黎搽脆脆小面包好好味😋鱼子比左好多，啖啖都有鱼油香，必点！💁🏻♀️Tuna Tartare外表超精致，喺脆饼上面放上牛油果蓉，再用三文鱼子呑拿鱼蓉放面，食落好有层次感👍🏻建议一啖放晒落口，咁先食到一层一层既口感💁🏻♀️Padrón Peppers本身我对呢个青椒无太大感觉😂仲以为会好草青，点知食落又唔会呙，个青椒烧过后表皮变
自从番左黎香港之后，真系好似好耐都无食过西班牙菜☺️今次都系朋友介绍呢间位于中环既西班牙餐馆比我，我先知香港都有好食又靓view既tapas 餐厅😂是次特意前往去聚会顺便饮杯野😌结果lunch time就开始饮酒😂
由于好多菜式都唔知个presentation系点，为免估估下，我同朋友决定食佢个lunch嘅Tasting Menu😎$380/位 有五款Tapas，一份主菜，仲可以加$30 要埋甜品🍮黎得西班牙餐厅，当然系要饮Sangria
🤓我就要左一杯Sangria，朋友都叫左杯叫crushed cucumber 既cocktail
💁🏻♀️Chef's Rusa
基本上每枱我都见到人叫👍🏻佢用左薯仔、呑拿鱼蓉、沙律酱、鱼子等食材做出黎既沙律，用黎搽脆脆小面包好好味😋鱼子比左好多，啖啖都有鱼油香，必点！
💁🏻♀️Tuna Tartare
外表超精致，喺脆饼上面放上牛油果蓉，再用三文鱼子呑拿鱼蓉放面，食落好有层次感👍🏻建议一啖放晒落口，咁先食到一层一层既口感
💁🏻♀️Padrón Peppers
本身我对呢个青椒无太大感觉😂仲以为会好草青，点知食落又唔会呙，个青椒烧过后表皮变软，反而有啲甜甜地，再加上上面落左岩盐，更加带到pepper个甜味
💁🏻♀️Croquettes
呢一度菜我都唔知应该点形容个名好，呢个炸波波经常喺西班牙菜馆见到，每间餐厅都会有自己特色嘅炸波波，而呢一个用咗伊比利亚火腿同埋白汁制成，啱啱炸起嘅时候热辣辣要小心啲食👍🏻不过几好味，白汁好Creamy，又系呢度必食嘅Tapas
💁🏻♀️Sobrasada Bikini
呢个三文治睇落平平无奇，但可以话系成餐饭入面我第二喜欢嘅Tapas👍🏻👍🏻三文治用左西班牙辣肉肠、牛油加埋芝士整成肉酱，咬落超香浓😋个面包表皮脆脆包住入边嘅肉酱，系一脆一软嘅感觉😎可能我本身钟意食chorizo，再加埋芝士真系无敌👍🏻如果你哋散嗌嘅话可以叫埋呢个
主菜方面我哋拣咗两款，但食到中段又想试多一样，所以当日我哋叫咗三个主菜😂
💁🏻♀️Alaskan Halibut
💁🏻♀️Truffled Angus Beef Cheek
呢一个系我点嘅，安格斯牛面肉再配上黑松露片😋十分奢华嘅食法😂牛面肉煮到好淋一切就分解咗😅食落唔会有渣👍🏻旁边黄色嘅酱汁系粟米忌廉汁，呢个配搭好新奇不过又唔会抢咗牛肉嘅味道，我个人几钟意的❤️
💁🏻♀️Spinach "Canelón"
叫呢道菜嘅原因系因为见到隔篱枱有人食而我哋又好好奇系啲咩黎😂佢其实系菠菜忌廉米卷黎架，上面黄色𠮶啲系松露碎，入面嘅菠菜忌廉应该系加咗芝士，有黏性同埋比想像中浓味，旁边嘅菠菜淋上沙律油同埋少少酸酸地既酱汁，食落几开胃
主菜食到尾段时我哋仲考虑紧要唔要叫甜品，但系眼见其他枱都叫咗甜品而且好吸引嘅关系，我哋两个都加钱各要咗一款😂
💁🏻♀️Basque Style Cheesecake
芝士蛋糕入面有好多蓝莓果酱，味道偏酸，咁样反而令到个芝士蛋糕冇咁漏，好食👍🏻，而且只要加$30就食到，你喺旁边嘅coffee shop一件都唔系咁嘅价钱啦，所以我觉得超抵
💁🏻♀️Coconut and Fresh Berries
而呢一个甜品嘅重点系上面嘅椰汁忌廉，下面嘅士多啤梨同埋红莓本来都比较酸，但配埋个椰汁忌廉又刚刚好中和到，如果食得太饱唔想食咁漏嘅甜品的话可以考虑叫呢一个
呢一个午餐最少食咗两个半钟😂我地三个人叫左三个lunch tasting menu又饮酒又食甜品又top up加菜😅埋单连加一大约$1500，喺中环其实唔算好贵☺️而且最紧要啲嘢好食💪🏻我谂之后都会成日嚟饮野的
张贴
