癡膠雞 (荔枝角道)

营业中

休息中

呢间主打汤米线嘅餐厅，招牌系鸡汤，当然要试试不同口味嘅鸡汤。首先系招牌痴花胶鸡浓汤米线（$68），真系有几块花胶，而且个汤又痴痴地，充满花胶味道。面方面除咗米线，仲可以转米粉、上海面、薯粉等，今次我就转左米粉。因为唔想食太多面，所以另一份点左椰子鸡（一份，$50）。椰子鸡汤椰子味十足，好似落咗好多椰子咁，个人觉得呢个比花胶汤更好味。特别之处系所有鸡汤都系一只铁镬咁上餐，好似快餐店打边炉咁，下面有个火热住，咁样啲汤就唔会冻咗胶住。另外值得一赞系鸡嘅份量几多，男士食都够饱。最后点多个浓鸡汤时蔬（$28），试埋佢最原始鸡汤味，用汤煮嘅菜清淡得嚟又有味道，唔错。