星星 Pho Cha

营业中

休息中

系佐敦既呢间《星星》有两间连住既舖位，一间做外卖，一间做堂食。今次晚市堂食，两个人叫左一份双拼炸鸡（原味拼酸辣），一份原味紫菜包饭，一份芝士炒年糕。每枱客人都会包免费一份前菜，都系例牌个啲凉拌芽菜，菠菜，泡菜；前菜略嫌味道较淡。炸鸡大大份，但有啲失望，鸡肉较干，冇肉汁，原味炸鸡更加系冇味；酸辣味就太甜，完全唔辣，下次唔会再叫。紫菜包饭馅料好多，饭都包得好好，唔会一夹就散哂，调味方面如果多返少少麻油就prefect!最出色系芝士炒年糕，份量非常多，入面仲有面同鱼片糕，芝士味十分浓，基本上每一啖都会食到好浓芝士味。年糕质地都煮得好好，唔粉，好软糯，好食！