焱丸水產

营业中

休息中

最近我去咗一间尖沙咀好出名嘅日式餐厅，想记录喺度分享吓。首先，我哋点咗鲑鱼冷面，估唔到原来冷面就系切成条状嘅三文鱼，一望佢已经超级吸引，令人印象深刻，旁边仲有啲Wasabi同埋酱油可以调味，另外仲有日本生鸡蛋。🍜自慢焱丸号系一款非常特别嘅料理，一上枱嘅卖相已经好吸睛，就好似一团火咁，分别有三文鱼、带子、海胆、吞拿鱼蓉、蟹柳，最顶仲有啲三文鱼子，实在太丰富，吞拿鱼蓉非常美味，带子鲜甜，海胆新鲜。🔥芝士蟹肉甲罗烧亦都系必试之选。佢哋用咗新鲜嘅蟹肉同芝士一齐烧，职员会喺你面前即场制作，芝士嘅香味渗透咗蟹肉，每一口都系浓郁嘅芝士香同鲜甜嘅蟹肉味。🦀鲍鱼壳烧嘅鲜味真系无得顶 佢哋用咗活鲍鱼即烧，一开始嘅时候仲可以见到只鲍鱼郁郁下，鲍鱼肉质弹牙，每一口都系浓郁嘅海洋味道。烧制嘅过程中，鲍鱼嘅鲜味被完全锁住，非常美味。🐚紫菜鱿鱼须天妇罗嘅酥脆口感非常吸引。鱿鱼须非常鲜嫩，再配埋紫菜，制作成香脆嘅天妇罗，每一口都系层次分明嘅味道享受。🦑吉列帆立贝嘅外层炸得金黄香脆，内里嘅帆立贝非常嫩滑多汁。每一口都系香脆同鲜甜嘅完美结合。🍤大虾鬼壳矶烧系一道非常豪华嘅料理。大虾非常大只，肉质鲜嫩，再用鬼壳矶烧嘅方式烧