瀧宴日本料理

营业中

休息中

今日去咗铜锣湾Sugar+泷宴日本料理食铁板烧，餐厅环境好靓，落地玻璃可以饱览维多利亚公园嘅风景。首先食咗前菜先，有芦笋，水云，同日本蚝，味道都好开胃。跟住师傅就会摆放今日嘅食材出嚟，俾我哋影相，只鲍鱼超级新鲜，仲一直喺度郁紧。首先就食比目鱼，外皮煎到极香脆。之后到大虾，肉质弹牙鲜美，虾头惹味。鲍鱼好大只，口感好软熟，系我铁板烧食过最好食嘅鲍鱼！带子都好特别，同海带汤一齐煮，上面有鱼子，食落味道好夹。总括嚟讲，依度海鲜嘅煮法都好俾心机，唔似平时单纯用盐同黑椒去煎。之后就到牛肉，有两种煮法，一种系薄切牛肉包住葱同蒜，另一种就系煎牛肉粒。我自己钟意食牛肉粒多啲，比较有口感，都重牛味同油脂。已经食到好饱，但仲有樱花虾炒饭同虾头汤，炒饭好有镬气，樱花虾煎到好脆，虾头汤好惹味。之后仲有芽菜食。最后就系自家制嘅巨峰葡萄啫喱，可以解解铁板烧嘅油腻。满足嘅一餐。