銘興山西刀削麵 (大同新邨)

营业中

休息中

呢间刀削面专门店喺黄埔同大角咀都有分店，有汤面、热拌及凉拌面供应，另外可以自行选择面底、𩠌、同辣度。店内环境唔大，但座位之间有适当距离，采用蓝白色为主调，行简约风，店员服务态度有礼貌，食物大件夹抵食，值得到访。招牌菜有花雕醉鸡刀削面，醉鸡入味，嫩滑多汁，啖啖肉，性价比高。刀削面带点咬口，烟韧弹牙，份量好多，而上汤偏清淡，建议可以加入辣酱或转汤底令到整体味道更加丰富。热伴猪扒刀削面转咗要红薯粉，亦可以要米粉或米线。口感软身，黏黏糊糊，同一般食开嘅唔一样，配有花生粒粒、青瓜丝、芝麻沙律酱同特跳担担酱，捞埋一齐食都几夹，唔够嘅记得要问店员加酱🫣相比起主食会话小时更加有惊喜。包浆小豆腐外皮薄身，豆腐鲜嫩，一口一粒好过瘾、墨鱼饼炸至酥脆，咬落Q弹，而且唔油、荔枝波波虾球卖相可爱，出面嘅脆脆粒够脆、手工韭菜猪肉饺外皮偏厚但馅料丰富饱满，会回访。