新香園

营业中

休息中

下午茶时段路经深水埗汝州街被依间茶餐厅门嘅麻辣蛋牛治直幡吸引咗入去。落完单环顾四周先知道原来系桂林街老字号嘅分店；以鲜牛肉泡制嘅蛋牛治系每次去到嘅必叫美食。汝洲街新店依边加入麻辣口味，似乎系吸引新fans嘅力作；老实讲新店面除咗企理好多，冷气都凉啲，又唔使不时排队等位，而且都只不过系行多个街口嘅距离。麻辣蛋牛治，完全系新香园一贯作风，馅料充足，鲜牛肉粒较咸牛肉更加有咬感之余更尝到牛肉香味，加入麻辣调味后真系感觉同依间新舖一样 upgrade 成为 2.0 版咁。刺激完舌头后来一啖茶走真系爽到震。