古琴雅苑 (利舞臺廣場)

营业中

休息中

之前用平台App外送服务，价钱都比堂食贵。近日知道呢间餐厅有外卖送餐到家，仲有八折优惠，专登提前几日落单，店员服务周到．提前电话联络 好有交带，货到先比钱，司机仲非常有礼．实在超级方便。炎炎夏日可以足不出户，折咗仲抵过堂食。四人餐份量充足：🔴鸡丝粉皮鸡丝上面加上香浓嘅胡麻酱，好香。底层半透明嘅粉皮，够滑🟠烤北京填鸭配搭青瓜．大葱．哈密瓜．填鸭酱．少少砂糖饼皮够薄．口感烟烟靭靭，中和一下，无油腻感🟡宫保鸡丁酱汁带甜甜辣辣，加入香脆腰果一齐炒，鸡肉鲜嫩。🟢上海粗炒面粗炒面质够弹牙，丰富口感，调味恰当唔会太咸。 🔵四季煸干豆加入榄菜同肉碎，超惹味，一条接一条，停唔到口🟣腰果露真材实料，用腰果磨碎，口感细腻，好香坚果味有下次都会继续 用外送服务，留喺屋企食最舒服。