金鳳大餐廳 (D2 Place TWO)

营业中

休息中

回忆满满，行商场见到竟然有金凤，当然要去试试。依家食市经营不易，去到门口发现餐厅满座，质素一定有保证。讲到扒餐，唔系杂扒就系食牛，金凤有好多的选择，今次叫左美国牛小扒餐，因为铁板上既关系，一定要叫五成熟！叫餐有餐包同忌廉汤(包野饮)，记得细个个餐包揸完牛油仲要点汤，食落去全部都系回忆！食铁板当然唔少得落汁依个环节，如果小朋友见到实好兴奋。我怕辣选择左蒜蓉汁，炸炸声，大人其实都好兴奋。美国牛小扒餐 $190份量好多，2大块牛小扒。切落去好滑有血渗出黎，唔洗五秒已经变左做七成熟，放入口岩岩好，所以千祈唔好一次过切哂，咁就可以啖啖都系七成熟既牛扒。两块牛下面仲有索哂汁既薯格，加埋茄汁就完美。