割烹 櫓杏 (iSQUARE國際廣場)

营业中

休息中

舅父每次从日本返嚟都会约我哋去割烹食晚餐，因为舅父觉得呢度嘅日本菜非常正宗，好适合佢嘅胃口。呢度嘅set menu种类非常多，每一个都睇落好吸引我。晚上食火山锅真系非常暖胃，满满嘅猪五花肉令汤底非常鲜甜，热辣辣饮非常爽！除咗肉，仲放咗好多菜，所以成个汤底更加清甜，饮多都唔会腻。仲有三件嘅鲜鱼寿司鲜味十足，鱼肉亦都处理得好干净，鲜甜肥美，正！炭烧鶏颈肉口感同鲜鱼一样滑软，烧得非常香甜，加点柠檬汁，味道别有一番风味！舅父每次嚟都必点嘅刺身盛合真系非常新鲜，除咗摆盘靓，海鲜亦都好肥美，原汁原味，唔需要任何搭配！最后仲有甜品菠萝雪葩可以食，冰冰凉凉嘅，食饱嚟一杯，真系好享受！舅父依然食到赞不绝口，下次返嚟仲要继续嚟食！