牛気 (屯門市廣場1期)

营业中

休息中

我同男朋友一年四季都钟意打边炉，有日去屯市行完街后揾野食，行过见到新开张所以就即兴入去牛气日式火锅，先选牛肉和汤底，牛气有样好就系牛肉和海鲜都可选任食。侍应安排我地入座后，好快就上锅和每款牛肉、豚肉、鸡肉和海鲜各一份，仲有一碟切身（本人觉得豚肉可不上，肉质好鞋）我地拣左极上美国牛小排+海鲜任食，我们不太喜欢脂质高既牛，所以拣左牛小排，牛小排牛味重，好食，但最有惊喜系大海虾和花胶，大海虾超弹口，好新鲜，初初以为花胶会好硬，但煮两煮就好腍好快食得，女人要补返多啲骨胶原，所以我劲食花胶不过90分钟真系唔够时间食，牛气本身仲有好多其他熟食，但时间太短所以无咩食到，如果120分钟会更好。食野个阵见到枱面写like fb就有movenpick 雪糕，我同男朋友即刻做野，听讲成日无货，所以先问问侍应仲有无雪糕先。