和道屋

营业中

休息中

和道屋 Wado Izakaya 🏮 位于尖沙咀，地利位置方便，未上楼系地下已经感受到个和风🇯🇵好靓既灯笼仲有无面男俾你打卡，行过都见有人黎影下相咁，上到去居酒屋风装修好舒服，见到个清酒柜😍餐牌超多选择，刺身、寿司、串烧、锅物、和食等都有👍🏻饮杯乌龙茶，配埋个环境无得输🤪浅尝寿司，火炙三文鱼腩寿司，上枱好香，食落系爆既三文鱼油味，几唔错😌土佐豆腐，极力推介，唔油既炸豆腐，配酱汁及鲣鱼丝好惹味，而豆腐极滑🥳明太子玉子烧，又一推介，明太子味超丰富好出，加埋滑滑既玉子就系一流😎饮返支清酒，风之森，生原酒，配食唔错，享受❣️串烧时间🍢🍡一入嚟已经俾佢既串烧香亲，有咩办法唔试真啲😛盐烧厚切牛舌，好香，牛味劲浓，牛舌真系无得输，必食😇豚腩片白虎虾卷，用烧豚腩包住只虾，几特别，多重肉味，千岁米豚露荀卷，露荀好鲜多汁，配豚肉唔错👍🏻盐烧鸡腿肉串+明太子鸡腿肉串，鸡腿肉嫩滑，个汁okay，而加左明太子就更出色，要食🙈自家制汁烧免治鸡软骨肉棒附月见，蛋汁正，成串味道几好，日本青椒仔，我既必食，好味又特别🩵整体食物高质，味道唔错，格调一流，最重要系服务💯又倾得又快又好，相当好既居酒屋，好难唔返食！😗