makan makan

将军澳新区𠮶边有好多餐厅，次次去亲食都有好多唔同嘅新餐厅试。去咗间马来西亚菜嘅餐厅叫咗两个Lunch Set，叻沙同海南鸡饭，仲包埋嘢饮同甜品。先讲新加坡叻沙$98，汤底好浓郁，虾嘅鲜味十足，米线滑溜，仲有半只溏心蛋、鱼片、豆卜同芽菜，辣度适中。海南鸡饭$98都唔错，鸡肉实净，鸡皮油润，配埋姜蓉同辣椒酱，味道丰富。跟餐仲包饮品，拣咗柠茶。甜品系芝麻汤圆，芝麻味浓郁，汤圆烟韧，甜度适中，系个完美嘅 ending。