影片
更多
2024-09-11
997 浏览
对我嚟讲，Spanish系平日最好嘅cuisine。冇French嘅拘谨，风味Rustic，但味道好大众化，唔使考究太多服务嘅细节。今晚就去到中环食一间Spanish。“El Cerdo”之前仲记得佢系荃湾区嘅名店，一直bookmark咗。但后来荃湾冇咗，而湾仔分店亦都搬咗去中环，于是今晚就沿着中环半山电梯上到伊利近街试吓。炸黑毛猪火腿球 $78好多时tapas都会有嘅菜式，有香浓嘅猪肉味。亦有火腿同芝士调过咸味出嚟，呢类菜式衬咩酒都OK。炒杂菌配烤杏仁粒 $88好少菜式会用到烤杏仁粒。喺呢个菜式，佢嘅作用系攞嚟平衡炒杂菌嘅柔软口感。杂菌嘅调味相当足够，有啲香料我都唔知系乜😅。脆皮猪腩肉配蜂蜜蛋黄酱 $88唔好睇佢得两啖猪腩肉，佢同蜂蜜蛋黄酱嘅配合先系重点。猪腩肉虽然肥但好香脆，而蜂蜜蛋黄酱，主要系提供甜味。可以想像系一旧好Heavy但有多重味道同质感嘅前菜。铁板烧蒜蓉辣椒炒大虾 $118同行人士嘅最爱。表面上用上大量橄榄油，但当香蒜同辣椒炒埋一齐，其实啲油份唔系好觉。佢嘅特别之处系上菜嘅时候仍然系非常滚热，有吱吱声。大虾油香好重，个人认为蒜味可以再多啲。招牌西班牙海鲜炒饭 $188以
“El Cerdo”
之前仲记得佢系荃湾区嘅名店，一直bookmark咗。但后来荃湾冇咗，而湾仔分店亦都搬咗去中环，于是今晚就沿着中环半山电梯上到伊利近街试吓。
炸黑毛猪火腿球 $78
好多时tapas都会有嘅菜式，有香浓嘅猪肉味。亦有火腿同芝士调过咸味出嚟，呢类菜式衬咩酒都OK。
炒杂菌配烤杏仁粒 $88
好少菜式会用到烤杏仁粒。喺呢个菜式，佢嘅作用系攞嚟平衡炒杂菌嘅柔软口感。杂菌嘅调味相当足够，有啲香料我都唔知系乜😅。
脆皮猪腩肉配蜂蜜蛋黄酱 $88
唔好睇佢得两啖猪腩肉，佢同蜂蜜蛋黄酱嘅配合先系重点。猪腩肉虽然肥但好香脆，而蜂蜜蛋黄酱，主要系提供甜味。可以想像系一旧好Heavy但有多重味道同质感嘅前菜。
铁板烧蒜蓉辣椒炒大虾 $118
同行人士嘅最爱。表面上用上大量橄榄油，但当香蒜同辣椒炒埋一齐，其实啲油份唔系好觉。佢嘅特别之处系上菜嘅时候仍然系非常滚热，有吱吱声。大虾油香好重，个人认为蒜味可以再多啲。
招牌西班牙海鲜炒饭 $188
以一个seafood paella嚟讲，佢嘅价钱系好平，而佢嘅分量亦算合理。比较重要嘅系佢喺当中落咗嘅肠同海鲜嘅份量都好多。饭嘅油感几重，所以食落其实都几Heavy，不过味道同样地吸引。
红/白Sangria $48
分别用上红酒同白酒做嘅Sangria，味道截然不同。红酒会多几分莓味，而白酒就会以清爽同热情果和味为主。佢用红酒杯装系装满晒，所以系够饮嘅。
其实我个人好钟意西班牙菜。风味粗犷，但又有啲住家感觉，又可以衬红白酒。今次嚟到El Cerdo，佢嘅表现亦算良好，价钱合理，就算专程嚟到都唔会觉得嘥咗。
张贴
