Saravanaa Bhavan (已搬遷) 新店位置

虽然我唔系成日食印度野, 但我上网睇D外国人话都话呢间印度餐厅系正宗南印度味道, 而且喺好多国家都有店. 试试咩系南印度味道先.蕃茄洋葱班戟- 班戟有D似港式薄罉, 班戟本身系由米攸成, 加左已经有香辣味, 唔配酱汁食味道已经不错,再试埋3个唔同嘅酱, 真系唔知系咩酱, 白色酱汁带点椰奶味.橙色带点酸辣, 黄色就有少少甜少少辣, 非常惹味!!咖哩椰菜(上), 咖哩芝士(下),香料烤包-  不得不赞呢间野D咖哩! 同我喺其他印度餐厅食过嘅印度咖哩好唔同, 呢度个咖哩香料味浓, 辣度适中, 唔系死咸死辣, 重庆𠮶D 真系行埋一边… 香料烤包上有小茴香,芫茜(好似芫茜, 但冇强烈芫茜味), 配咖哩食一流!印度牛油煎饼- 因为个咖哩太好食, 所以叫多个牛油煎饼. 但相信佢地唔系用牛油, 因为呢间餐厅系食素嘅, 所以应该只系翻译上问题.辣蒜杂菜- 呢个真系比佢个名呃左, 黎到点知系咁嘅样, 要问问waiter 先知呢碟系咩… 唔系好食得出蒜味, 可能比辣味盖过了, 呢个系我地点嘅最辣一个dish.炸磨菇- 完全睇唔出佢系炸磨菇, 但食落有惊喜呀,真系好好食!!! 磨菇应该系先炸再加入酱汁洋葱香料