Amitie Kitchen

营业中

休息中

约左朋友聚旧，行完尖沙咀揾好西晚餐，经过厚福街H8，见到AMITIE写住主厨曾在五星酒店工作多而且系openrice 热店，原来有过千好评！即时心心眼上黎试下！火灸半熟三文鱼伴紫苏叶莎莎半熟三文鱼好嫩滑，份量大，三文鱼厚身冇欺场！面头加左墨西哥辣椒莎莎酱，好惹味。伴随新鲜紫苏叶沙律菜，酸酸甜甜好清新。牛肝菌露笋意大利饭意大利饭正常的略生程度。钟意佢有海量牛肝菌，芦笋冇揸鲜甜，面头有好多parmesan shaving 装饰不吝啬。美国顶级西冷扒（8oz）要求五成熟的西冷，烤纹路非常靓，生熟度烤得岩岩好，切开仲系好粉嫩多汁。配菜亦系值得一赞，种类多，有粟米，车厘茄，萝卜，豆角，烟肉薯仔，颜色好丰富。由于惊夜晚瞓唔著觉，所以冇点到开心果咖啡试试！新鲜水果茶都唔错，用个靓壶盛载果汁比例高嘅川宁茶，水果份量适中，唔会过多感觉冇茶饮。朱古力心太软伴云呢拿雪糕好多西餐厅的心太软都做得麻麻。呢度嘅心太软，流心做得几好，配合埋清清地嘅云呢拿雪糕，完美作结。是日系星期一夜晚，餐厅有7成食客，算系香港餐厅奇境。误打误撞之下，竟然喺平民地方厚福街发掘到卧虎藏龙嘅五星级酒店西餐，绝对值得如此多好评。