Kampoeng

营业中

休息中

环境4分：地库餐厅有䢂同楼梯上落，地方好大位够阔，灯光暗暗地，犹如置身于东南亚餐厅，可以畀四分。卫生4分：餐枱有刀，叉，纸巾，牙签，糖呀咁，完全唔立，一样可以畀四分。服务 5分：楼面颗记快手快脚，唔啰唆，落完单即上饮品，比佢五分。味道4分：1)      二人套餐嘅加多加多沙律，第一次食，好特别好多汁，上面铺满虾片，入面有唔同嘅蔬菜种类，同埋有Ｄ烚熟咗嘅鸡蛋。2)      海南鸡例牌份量，上枱时发觉系一只超大鸡髀斩碎上，有三款汁比你选择，鸡肉嫩滑，Ｄ皮都唔肥腻，唔错。3)      杂菇炒金边粉，个样有Ｄ似干炒牛河，但系Ｄ河粉幼Ｄ，同埋冇港式嘅咁油。4)      沙爹鸡肉串烧，一出嚟就热辣辣，非常嫩滑，点埋Ｄ沙嗲酱就一流。5)      加28蚊叫埋个马拉盏通菜，呢个价钱真系唔可以唔叫。炒得都几爽，唔会太淋，但系觉得可以辣Ｄ野味Ｄ。抵食5分：百几蚊食个二人午餐可以食到沙律，沙爹，金边粉，海南鸡，通菜，无加一，好难话唔抵，畀硬五分。