班蘭葉印尼餐廳

营业中

休息中

放工后约朋友系铜锣湾，顺便系呢边食晚饭。之前经过呢间餐厅好多次，成日俾门外糕点吸引，而今晚就同朋友坐入去试下店内食物。店内布置好有特色。餐牌上有好多种类食物同饮品选择。以前就食过唔同印尼菜或其他东南亚美食，珍多冰真系每次必叫。饮落椰汁味几重同甜，都唔错。朋友就叫左柑桔青瓜冰，睇落好特别。巴东牛肉花胶汤粉皮。有几大旧既花胶，牛肉就辣辣地，好重香料味，仲有条秋葵好清爽，汤就好清甜带少少香料酸味。烧鸡班兰尖塔饭。尖塔饭好得意，有啲班兰椰香味，烧鸡就大大只同好香。另外仲叫左印尼沙律，加多加多。好多菜同豆腐，配花生酱食够哂惹味。整体感觉唔错，同朋友都食得好饱。