Mint & Basil (海堤灣畔)

营业中

休息中

入到东涌，见到有间泰印菜餐厅入面坐咗七、八枱印度人，咁就毫不犹豫咁入咗去啦！😌 虽然系连锁餐厅，但系味道却出乎意料嘅高质。🤍 泰式靑柠辣椒汁蒸鱼鱼肉入面塞满香茅同青柠，去腥之余更为鱼肉增添咗风味。外出食鱼，最怕鱼肉蒸太耐，但要赞一下，鱼肉keep到嫩滑，酱汁香辣味十足，🌶️食得辣嘅朋友会停唔到口！🤍 冬荫功大虾汤（蔬菜）酸味偏重在冬阴功汤。今次叫咗蔬菜版本，就算冇肉都毫不逊色，令人饮完一碗又一碗。🤍 咸鱼粒炒芥兰咸鱼粒同炸蒜、辣椒搭配，惹味又唔会太油。钟意炒得脆口嘅芥兰，好快就清晒一碟。🤍 越式鲜虾米纸卷清新开胃之选，米纸卷入面包住红萝卜丝🥕、生菜🥬同鲜虾🍤，爽口健康之选。