Saravanaa Bhavan (已搬遷) 新店位置

餐厅位于大厦入面，环境都几宽敞。餐牌有劲多选择...酥炸茅屋芝士油条: 外皮香脆，香料味十足。一咬开，入面嘅cottage cheese质地挺身，细嚼下淡淡嘅奶香渗出，感觉特别。点下黄色嘅特式印度酱汁，少少辣，更加惹味。(Btw, 口感有啲似豆腐干😂)-咖哩芝士咖嘢一入口，唔算太辣，入面有好多配料，例如薯仔、香叶等等。食多几啖之后，发现好戏在后头，越食越辣，满口都系香辣嘅咖哩味，好刺激! 不过，我地揾极都揾唔到芝士，可能溶左入啲咖哩入面挂😂咖哩味好够，不过芝士味就唔系好觉喇。-印度烤饼 naan印度烤饼新鲜热辣，攞上手热腾腾，真正炙手可热😂一咬落去，质地既软熟又烟韧，而表面则烤得有少少焦，点埋咖哩食好配合。-印度芝士烤饼 paneer naan相比刚才嘅印度烤饼，尼份印度芝士烤饼就系佢升级版！骤眼望落已经见到油光，闻到阵阵香味。撕开烤饼，发现中间藏住好多芝士粒！入口粒粒芝士，口感好满足！