影片
更多
2023-07-31
1078 浏览
一段时间都无试新野，今日同老友补食生日饭，知佢钟意食日本野就揾间未试过又多好评既日本餐厅试试啦，上网睇资料呢间古今二主打特色卷物，今日就一于试上试啦，位置系荃新天地入面，铺面都几开扬，坐位唔多，但都坐得几舒服。餐厅都系用QR code落单，岩晒我钟意慢慢睇慢慢点，睇完就点左d特色卷物同烧物咁啦。自家玉子烧分开左6小件，玉子烧甜甜地，面头有d烧汁，沙律酱同d蟹子，烧汁比较杰身，整体普通啦。樱花虾茄子烧呢份烧茄子几出危，茄子皮无烧㶶，茄子肉都烧得熟无水气，再加左好多樱花虾系面，增加左口感同少少咸香，推荐一试。烟花同餐牌上既样有d出入，一黎到仲以为上错枱，问左再对比返先知真系我地点既烟花，面头加左d吞拿鱼蓉同3文鱼，蟹籽同薯片脆增加口感，食落都还可以既，但就无乜惊艳感，呢个价钱就略贵d。野菜天妇罗，迷你甜薯天妇罗野菜天妇罗就有金菇，冬菇菇茄子同小蕃薯，份量不多价钱就略贵，甜薯天妇罗就平时少见d，因多数都系烧多，炸过既甜薯外皮就硬身d，甜薯系紫心薯好甜，质地几好，但都好似用黎烧会香d，炸就有d唔太夹。鹿儿岛露荀豚肉，味淋鱼干，炭烤孜然羊架豚肉就烧得几好唔干，加埋露荀烧就无咁漏，鱼干都烧得几香，
餐厅都系用QR code落单，岩晒我钟意慢慢睇慢慢点，睇完就点左d特色卷物同烧物咁啦。
自家玉子烧
分开左6小件，玉子烧甜甜地，面头有d烧汁，沙律酱同d蟹子，烧汁比较杰身，整体普通啦。
自家玉子烧
$55
14 浏览
0 赞好
0 留言
樱花虾茄子烧
呢份烧茄子几出危，茄子皮无烧㶶，茄子肉都烧得熟无水气，再加左好多樱花虾系面，增加左口感同少少咸香，推荐一试。
樱花虾茄子烧
$68
14 浏览
0 赞好
0 留言
烟花
同餐牌上既样有d出入，一黎到仲以为上错枱，问左再对比返先知真系我地点既烟花，面头加左d吞拿鱼蓉同3文鱼，蟹籽同薯片脆增加口感，食落都还可以既，但就无乜惊艳感，呢个价钱就略贵d。
烟花
$79
11 浏览
0 赞好
0 留言
野菜天妇罗，迷你甜薯天妇罗
野菜天妇罗就有金菇，冬菇菇茄子同小蕃薯，份量不多价钱就略贵，甜薯天妇罗就平时少见d，因多数都系烧多，炸过既甜薯外皮就硬身d，甜薯系紫心薯好甜，质地几好，但都好似用黎烧会香d，炸就有d唔太夹。
野菜天妇罗，迷你甜薯天妇罗
8 浏览
0 赞好
0 留言
鹿儿岛露荀豚肉，味淋鱼干，炭烤孜然羊架
豚肉就烧得几好唔干，加埋露荀烧就无咁漏，鱼干都烧得几香，送酒一流，烧羊架就略为失色，火喉系烧得几好，肉质都嫩滑，熟得黎唔会柴，但调味就略为轻手d，无乜味，扣咁d分，可惜。
鹿儿岛露荀豚肉，味淋鱼干，炭烤孜然羊架
6 浏览
0 赞好
0 留言
海胆炒饭
海胆唔算多，但个饭炒得唔错，唔会好湿，老友认为调味可以再浓dd。
海胆炒饭
$138
2 浏览
0 赞好
0 留言
岩盐烧虎虾
呢只虎虾烧得唔多好，烧得太干，无乜味，唔推荐。
岩盐烧虎虾
$58
3 浏览
0 赞好
0 留言
火山
打卡一流既菜式，上枱时店员会系两边点火，好有仪式感，材料有大量既蟹柳丝，可能点左火既关系寿司有少少热热地，感觉都唔错，餐牌写有带子但唔多食得出，主要都系打卡用，价钱黎讲其实唔抵。
火山
$128
4 浏览
0 赞好
0 留言
安格斯葱牛烧
葱我以为系京葱，但个感觉似韮菜多d，用牛肉好唔夹，韮菜同牛一齐食系咬唔开，都系要分开黎咬，用埋单烧汁落得太多太甜，再加上佢地d烧汁质地真系好杰，我个人同老友都不喜欢。
安格斯葱牛烧
$72
4 浏览
0 赞好
0 留言
昭和豆腐煎
就是2旧大大旧的煎豆腐，调味都系果d好杰既烧汁，豆腐系煎晒几面外皮系焦脆，质地都几滑，不过就无乜惊喜。
昭和豆腐煎
$58
1 浏览
0 赞好
0 留言
总结黎讲，卷物系有好多款有特色但其实材料都系大同小异，烧物反而做得唔错，烧烤既火喉控制得好好系值得赞既地方，但调味方面就单调左d，店员既服务态度都唔错，食物质素整体就普普通通啦。
张贴
