Vibes the place (已結業)

全店木色装修配上樟木餐桌层架、西式仿火炉、柔和灯光，充满家嘅温馨感觉😊听讲店主太太喺心灵治疗师，所以开咗呢间心灵小店除咗提供纯素生酮食物，仲可以体验颂钵 。餐点款式唔算多，叫左个Focapattio 🍔全素Burger ~用亚麻籽制成嘅面包，夹住特制嘅「impossible meat」，再加入秘制酱汁，咬落都几juicy嫩滑。无论味道同口感都好似牛肉汉堡，呃到人之余仲几好味，真心有惊喜！沙律配菜味道酸酸甜甜，都几开胃，可惜当日餐厅无晒伴碟嘅素脆片，无得试。。。另叫咗个tea set，包一杯奇亚籽布甸同一款蛋糕。奇亚籽布甸很重蓝莓同椰香奶味，加上奇亚籽，口感有d似食西米布甸，味道唔错，而且仲几饱肚。抹茶蛋糕嘅口感扎实，无一般嘅mousse cake咁幼滑。蛋糕虽然带有抹茶嘅苦味，但仲带咸咸嘅味道，感觉怪怪地😅饮品就点咗杯Rose Beetroot Latte同Latte。Rose Beetroot Latte系无咖啡因嘅，玫瑰粉红色超吸睛，饮落有少少红菜头味，小妹不好红菜头但还可接受，不过玫瑰味就欠奉啦😶好似呢度嘅茶比较出名，有d后悔无叫到茶试最后，好耐无食过Tiramisu 嘅关系决定