東煮友喜私房菜

营业中

休息中

年头搞左次饭局，有人问Matthew 有冇特别menu，结果问左一张地道山东菜单出黎。而由于太多人话有兴趣，结果就当晚搞左四围，仲要四围都唔同menu，辛苦Fiona同Matthew，我估都系史上第一个客咁烦。当日应该食左大部分佢地嘅signature，龙虾同象拔蚌真系想食好耐，终于都食到，而呢个酸辣薄荷象拔蚌真系不能错过，醉辣汁加左薄荷叶后，味道升华不少，劲厚身嘅象拔蚌绝对不能错过。偷左隔离枱嘅避风塘龙虾球，我觉得食得好爽，大只到一个点，而家上枱嘅震撼唔会少过佢个赛磅蟹粉signature 。当晚精彩嘅还有全香港独有的藏红花药膳白玉，大白菜猪肉水饺同老山东炸酱拌面呢个当日整嘅手工菜都好深刻。加左茅台嘅陈皮红豆沙，比起平时当然好得多。前排又有人问有冇枱，不过主理人话而家去到2025了。