橫濱日本料理 (已結業)

今日去完禾𪨶探亲戚，谂住同妈咪一齐食埋饭先返屋企，去到二楼见到有日本野，细睇原来系放题店，妈咪话OK呀不如试下，咁我地就入去啦！星期一5点半入座收费148一个另加一，唔贵！快啲睇下有咩食先！可能天气太热，间野无冷气，妈咪一边食一边流汗，唔系好舒服。鱼刺身卖相很差，是瘀白色，一啲光泽都无，感觉好唔新鲜，食落都系霉霉地既味。人地带子刺身一片片嘛，佢切到一粒粒，仲细过个五毫子！厨房排列得唔靓，好似一堆乱石咁任堆，反而三文鱼，吞拿鱼咁一片片好靓。带子只有雪味，无其他味了。吉烈炸蚝感觉唔系原只蚝，系平日蚝饼既蚝仔，粉多食落成担油。反而烧物中七味鸡软骨比较好食，炸得好香又够味！饮品叫左热柚子蜜，柚子唔够，唔甜。雀巢雪糕最好食啦..由于大汗叠细汗，无心机影相，下次都系同妈咪返屋企食饭！