黑布小巷

营业中

休息中

行咗阵荔枝角已经不敌酷热炎夏要揾地方抖抖，醒起D2 place附近有间人气台食「黑布小巷」就马上过去，希望赶及放工人潮前入座。朴实嘅厂厦食堂装修，未够7点近四十个座位已经全满，而且部分人气食品都已经卖晒，足见「味力」没法挡！慢烤鸡腿芝士蛋吐司大块厚嫩鸡腿，经慢烤后特别惹味。外层吐司香脆，夹住爆浆流心蛋同拉丝芝士，口感一流。花枝丸配淮盐大大粒而且香口弹牙，非常滋味。芝士火腿肉松蛋饼台湾风味原汁原味展现喺蛋饼之中。蛋香加上咸咸地嘅火腿同软棉棉嘅拉丝芝士，加埋特色酱汁仲有甜甜地嘅肉松，可谓完美配搭。蕃茄红烧台式牛肉面(特选虾米辣椒油）牛肉够腍，配埋酸菜唔会油腻。汤底少少辣又带蕃茄香。虾米辣椒油有画龙点睛功效，将牛肉面味道带到味觉更高层次。饮埋自家煲制养生茶系列嘅冬瓜茶同桂花雪梨罗汉果茶，解渴又滋润。少少可惜今晚自家制三色圆糖水已经卖晒，希望下次早啲可以食到啦。