壹.01

营业中

休息中

朋友放工去观塘一齐食饭～ 带咗我去佢平时食饭嘅小天地～ 呢间食台式嘅餐厅简单又舒服，系一间堂食还是外卖都可以既台式小店。我地选左邪恶蛋之恋，呢个小食真系好特别，芋泥同肉松嘅组合，外面包住一层香脆嘅皮，咬落去嘅时候，甜甜嘅芋泥同咸香嘅肉松交融，口感层次分明，真系每一口都让人惊喜。台式卤肉饭超好味仲叫左台北夜市小食拼盘，里面有鸡肉粒粒，台湾肠同花枝丸，味道非常地道。台湾肠外皮香脆，内里多汁，花枝丸则香脆可口，食落去真系好香口。我地仲叫咗碗风琴豆腐牛肉饭，牛肉煮得恰到好处，软嫩入味，豆腐吸收咗牛肉嘅精华～ 饮品方面，我地饮左超好饮既仙草豆奶，走冰真系清爽可口，仙草同豆奶嘅组合恰到好处，唔会太甜，夏天饮正好。朋友饮左八宝桂圆玫瑰茶，呢杯茶色泽诱人，味道香醇，对女性嚟讲尤其适合，真系好养血调理。