麵館皇

营业中

休息中

其实我一直都想揾刀削面既店，但唔系个个地方都有得食。有次咁岩经过登龙街揾野食就发现依间卖刀削面既店。店内最出名既系口水鸡刀削面，于是便试左一试。但依间店有另一样出名既系用药膳做汤底。其实我唔系咁钟意咁热咁食野，但如果冬天食就会觉得特别正，因为每碗面都会用石碢装，所以就会保持到碗面既温度。但系最值得推介既系口水鸡，因为系我食过咁多间唔同餐厅中最好食既口水鸡，佢既皮、肉质都好滑，底下仲有青瓜，食完鸡再食青瓜就会冇咁辣。但每次食都建议带纸巾，因为会食到流鼻水。其实我唔系咁食得辣，但系依个口水鸡系会令到我爱不释手。有次，试过醉鸡，都滑既但系就冇乜酒味。又试过口水鸡饭，不过始终都系觉得口水鸡配刀削面系最佳配搭。但系刀削面要加$3既，不过都值既。口感几特别，好有咬感。这碟口水鸡会使人的味蕾有种刺激的感觉。如果觉得辣，可以加$7叫杯冻柠茶。咁既配搭就一流喇。可是，美中不足的是，由于店舖近马路，所以间唔中会嗅到有烟味，又会有蚊。不过无论一人或三五知己食都唔错既选择。环境舒适。