THE BOTTLE & STEAK

营业中

休息中

天气转凉，准备过冬至，圣诞好快来临，约咗好耐冇见嘅朋友吹下水倾下计，朋友喺港岛区返工，趁机会过海食番餐，之前同妹妹来过，有好嘢食，特别系有好嘢饮。餐厅大雪柜系重点，琳瑯满目，各式其式，放满不同类型啤酒，目不暇给，好多口味选择嘅啤酒，外国特式啤、手工啤、水果啤、白酒……，有选择困难症嘅朋友小心呀！隔离枱好厉害呀，睇住佢哋饮咗十多支唔同类型嘅啤酒，打卡一流！黑松露虾多士~新鲜热辣辣炸起铺满芝麻嘅虾多士确实美味，厨师最后放上黑松露酱，使整个小食嘅味道更上一层楼。三重芝士中东包~热辣辣香喷喷，芝士味浓，主要系mozzarella，拉丝芝士配中东包，有啲似 pizza，两个人食啱啱好。澳洲猪鞍架(配薯条)~即叫即烤，大家要畀啲耐性，朋友唔食牛 呢个系好选择，味道稍稍咸一点，送啤酒一流。临近圣诞，店内摆满圣诞装饰，好有气氛，地方好适合包场开party，圣诞menu已经出咗，会喺墙上发现。