茶記研究所

营业中

休息中

今日同老豆一齐嚟到油塘探访好耐冇见嘅亲戚，肚饿咗就谂住去平时去𠮶间铺头食嘢，但啱啱好冇开，就打算随便行下揾嘢食。啱啱见到呢间茶餐厅好似新开，环境都几敞亮，系一种新式嘅茶餐厅。我同老豆就一齐入去探店啦~服务员都好好服务，好快就安排我同老豆嘅座位。我哋净系睇menu就觉得好好食，唔知拣咩好，两父女都有选择困难症。😹😹最后我老豆拣咗香煎猪扒配餐肉食肉兽餐，店家特别研制嘅酱汁一齐腌制，猪扒好大块，煎过之后外皮十分焦脆，同时肉质仲好多汁！猪扒自身嘅油脂已经喺高温下充分融化，肉香味浓郁！再加埋餐肉、茄汁豆、多士仲有流心嘅煎蛋一齐食，普通嘅早餐都变得唔普通~套餐入面仲包括咗热奶茶，浓浓嘅茶香味同牛奶互相配合，饮落去非常顺滑。老豆都话好正。👍🏻👍🏻我想食面就拣咗沙嗲牛肉即食面，沙嗲汤最主要嘅系花生嘅香味。浓浓嘅花生香气仲食到花生粒，再配埋简单嘅即食面同牛肉粒，我都忍唔住饮晒啲汤！我嗌嘅套餐入面仲包括咗肠仔、炒蛋同埋多士，早餐食得饱饱就系幸福~饮品方面我就加钱换咗热latte，一端上嚟就闻到非常浓郁嘅咖啡香味，咖啡嘅苦味同牛奶嘅甜味互相交织，仲有店员拉得好靓嘅拉花我都不舍得饮，油塘少有嘅精品,咖啡饮落去